फेरि अरु कुनै दिन. (Some day again)

फेरि अरु कुनै दिन.

"आज फेरि एक पल्ट तिमिलाई सम्झेर मुसुक्क हास्न मन लाग्यो किन भन न?"

किन?

भो, पछी कुनै अरु दिन भनौला, हाम्रो अरु भेटहरुमा "

"अनि तिम्रो त्यो 'अरु भेटहरु' आएनन भने नि? " उनले झट्टै सोधी हालिन

"कसरी न आउनु, बगेको खोला त  पानि को रुप लिएर बर्षात भई कुनै न कुनै दिन फर्की आउनु पर्छ भने...."

अनि त्यो समय लाई पर्खि रहने हाम्रो जीवन त्यति लामो छ र?

साहेद छैन, तर हिजो जसरी तिमि अनि मेरो भेट भयो, भोलि पनि त्यहि स्वरुपमा हुनु नै छ, अनि यी सब हुन कति समय लाग्दो रहेछ त हैन र?

"हामी दुई जनाको भेट त्यस दिन त्यो कलेजमा न भएको भए के हुने थियो है?" उनको यो अनौठो प्रश्नले मलाई एक छिन चुप पार्यो, तर मैले फेरि भने,
"साहेद अरु कुनै दिन हुन्थ्यो होला, हाम्रो कलेज त्यति ठुलो पनि त थिएन नि !"

अनि हामी दुई जना मध्ये कोहि एकले त्यो कलेजमा नाम न लेखको भए नि?

साहेद कुनै दिन समय चक्र अनुरुप हाम्रो कुनै एक ठाउँमा भेट हुने थियो अनि चुम्बकीय शक्ति झैँ हाम्रो भावनाले एक अर्कालाई परिचय गराउने थियो|

तिमि साच्चै मान्छौ है यी सब कुराहरु लाई?

पहिले त मान्दिन थिए, तर तिमिलाई पाए देखि मान्न थालेको छु |

अ ह... अनि अरु...

अरु कुनै दिन, फेरि अरु कुनै दिन.....उनको समयमा